پٹرولیم مصنوعات کی قیمتوں میں ردوبدل؛ ڈیزل 5 روپے مہنگا
اسلام آباد: حکومت پاکستان نے پیٹرولیم مصنوعات کی قیمتوں میں ردوبدل کر دیا ہے، ہائی اسپیڈ ڈیزل کی فی لیٹر قیمت 5 روپے بڑھا دی گئی۔
وزارت خزانہ کی جانب سے جاری نوٹیفکیشن کے مطابق پیٹرول کی قیمت 247 روپے 3 پیسے فی لٹر برقرار رکھی گئی جبکہ ہائی اسپیڈ ڈیزل کی فی لیٹر نئی قیمت 251 روپے 29 پیسے مقرر کردی گئی ہے۔
نوٹیفکیشن میں بتایا گیا ہے کہ نئی قیمتوں کا اطلاق آج سے اگلے 15 روز کے لئے ہوگا۔
