شان شاہد نے اداکارہ ریما سے شادی نہ کرنے کی وجہ بتادی
پاکستان کے معروف اداکار شان شاہد نے اداکارہ ریما سے شادی نہ کرنے کی وجہ بتادی ہے۔
حال ہی میں پاکستان کے معروف اداکار شان شاہد نے نجی ٹی وی چینل کے شو میں شرکت کی جہاں انہوں نے اپنی زندگی اور کیرئیر کے حوالے سے مختلف موضوعات پر گفتگو کی۔
دوران پروگرام میزبان نے سوال پوچھا کہ کیا شان شاہد نے اداکارہ ریما خان سے شادی کرنے سے متعلق کبھی سوچا؟
سوال کے جواب میں شان شاہد نے کہا کہ میں نے اس بارے میں کبھی نہیں سوچا کیونکہ جب میں ریما سے ملا تو اس وقت میری عمر 16 سال تھی، ہم نے کم عمری میں فلم ‘بلندی’ سے ایک ساتھ کیرئیر کا آغاز کیا تھا۔
انہوں نے کہا کہ 16 سال کی عمر میں آپ شادی کے بارے میں نہیں سوچتے، آپ نئے لوگوں سے ملتے ہیں، دنیا دیکھتے ہیں اور آپ کام پر توجہ دیتے ہیں لیکن آپ شادی کے بارے میں نہیں سوچتے۔
اداکار نے کہا کہ لوگ اسکرین کو مختلف نظر سے دیکھتے ہیں کیونکہ ہم اسکرین پر رومانس کرتے ہیں، ساتھ گھومتے ہیں اور اپنی محبت کا اظہار کرتے ہیں، اس لیے لوگ ایسا خیال کرتے ہیں۔
واضح رہے کہ سینئر اداکار شان شاہد اور اداکارہ ریما خان کی ‘بلندی’ کے علاوہ فلم ‘نکاح’ بھی بلاک بسٹر ثابت ہوئی تھی۔
