ہاکی کی بحالی کے لئے بڑا اقدام
لاہور: اسپورٹس بورڈ پنجاب اور خواجہ جنید ہاکی اکیڈمی نے جرمنی کے ساتھ فروری میں ہاکی میچز کا اعلان کردیا۔
اسلام آباد میں جرمن ایمبیسی کے ہیڈ آف کمیونیکیشن کلچرل افیئرز اینڈ پروٹوکول مسٹرجین گیرالڈ کا نیشنل ہاکی اسٹیڈیم کا دورہ کیا، ڈی جی اسپورٹس پنجاب پرویز اقبال اور اولمپئن خواجہ جنید نے انتظامات بارے بریفنگ دی۔
جرمن آفیشل نے انتظامات کا جائزہ لیا اور اطمینان کا اظہار کیا، ڈی جی اسپورٹس پنجاب پرویز اقبال سے جرمن آفیشل کی پاک جرمن ہاکی سیریز کرانے کے حوالے سے بھی ملاقات ہوئی۔
ڈی جی اسپورٹس پنجاب پرویز اقبال کا کہنا ہے کہ فروری میں پاکستان اور جرمنی کی ٹیموں کے درمیان نیشنل ہاکی اسٹیڈیم می میچز ہوں گے،
پرویز اقبال کا کہنا تھا کہ ہمارا مقصد پاکستان ہاکی کی ترقی اور بحالی ہے، جرمنی کی ٹیموں کے پاکستان آنے سے ہاکی کلچر پروان چڑھے گا۔
ڈی جی اسپورٹس پنجاب نے کہا کہ جرمن ٹیموں کی پاکستان آمد سے مقامی ہاکی کوفائدہ ہوگا۔
مسٹرجین گیرالڈ کا کہنا ہے کہ لاہور کا ہاکی اسٹیڈیم تاریخی اور شاندار ہے، پاکستان میں ہاکی کے بڑے نام موجود ہیں۔
ان کا مزید کہنا تھا کہ فروری میں جرمن ٹیمیں پاکستان کا دورہ کریں گی، جرمنی کی ٹیموں کا پاکستان آنا ہماری ہاکی کے لئے اہم ہے۔
اس موقع پر اولمپئن خواجہ جنید نے کہا کہ اسپورٹس بورڈ پنجاب کے تعاون سے جرمنی کے ساتھ ہاکی سیریز ہوگی۔
ڈی جی اسپورٹس پنجاب پرویز اقبال نے اسلام آباد میں جرمن ایمبیسی کے ہیڈ آف کمیونیکیشن کلچرل افیئرز اینڈ پروٹوکول مسٹرجین گیرالڈ کو اسپورٹس بورڈ پنجاب سوینئر پیش کیا۔
