ایران کے سفیر نے کہا ہے کہ اسرائیل پر حملہ کرنا ناگزیر تھا، اسرائیل کو برداشت کرنا پڑے گا۔
سلامتی کونسل کے ہنگامی اجلاس سے خطاب کرتے ہوئے ایرانی سفیر نے کہا کہ اسرائیل پر 200 بیلسٹک میزائلوں کا تجربہ ایران کی ضرورت تھا۔
انہوں نے کہا کہ جارحیت کا جواب دینا ضروری تھا اور اسرائیل کو یہ برداشت کرنا پڑے گا۔
ایرانی سفیر نے کہا کہ اسرائیل نے بار بارعلاقائی سالمیت کی خلاف ورزی کی، اسرائیل کے بار بار حملوں کے جواب میں ایران نے ضروری قدم اٹھایا۔
انہوں نے کہا کہ اپنے دفاع کے مکمل حق کے مطابق فوجی اہداف پر حملہ کیا، اسرائیل نے حماس رہنما کو ایران کی سرزمین پر شہید کیا۔
اسرائیل نے دمشق میں ایرانی قونصل خانے کو نشانہ بنایا، اسرائیل نے لبنان میں ایک ایرانی فوجی مشیر کو قتل کیا۔
اسرائیل نے مسلسل ایرانی سرزمین اور مفادات کی خلاف ورزی کی۔
سلامتی کونسل کے ہنگامی اجلاس میں ایرانی سفیر نے مزید کہا کہ اسرائیل اب مزید کارروائی کرے گا تو ایران بھی بھرپور جواب دے گا۔
