پی ٹی آئی کے رہنما فواد چوہدری کا کہنا ہے کہ اگر پی ٹی آئی کو چھوڑنا ہوتا تو 9 مہینے جیل نہ کاٹتا۔
’’بول نیوز کے پروگرام ’بول عادل عباسی کے ساتھ‘ میں اینکر عادل عباسی کے ساتھ گفتگو میں فواد چوہدری نے کہا کہ پہلے دن ہی ٹکٹ لے کر آئی پی پی کا وزیر بن جاتا۔
انہوں نے کہا کہ بانی پی ٹی آئی کے ساتھ کھڑے ہونا ضروری نہیں ، عوام کے ساتھ کھڑے ہونا ضروری ہے، اس وقت پارٹی کی سیاست کی ضرورت نہیں۔
ان کا کہنا تھا کہ بشریٰ بی بی کے ساتھ بدتمیزی کے بعد تلخیاں بڑھ گئی ہیں، احتجاج سے ڈر کر کنٹینرز لگا دیئے جاتے ہیں، بنگلا دیش میں لوگوں نے حکومت کو گھٹنوں پر آنے پر مجبور کیا۔
فواد چوہدری نے کہا کہ مؤثر احتجاج ہوگا تو حکومت بات کرنے کا سوچے گی، شریف فیملی نے صحیح فیصلہ کیا ہےکہ نواز شریف کو چھپا کر ہی رکھیں، حکومت ترمیم کو ایک ماہ روک دے ت وسکون ہو جائے گا۔
انہوں نے کہا کہ کیوں چیف جسٹس اتنےاہم ہیں؟ یا کمشنرر اولپنڈی کا بیان صحیح ہے۔
جب بانی پی ٹی آئی بلائیں گے توملاقات کرلوں گا، 9 فروری کو ہی پی ٹی آئی کو سڑکوں پر نکلنا تھا، پی ٹی آئی قیادت اپنے ہی لوگوں کے ساتھ کھڑی نہیں ہوتی۔
کون کہاں سے ہارا تحقیقات کروا لیں، 8 سیٹوں کے ساتھ تمام سیاست مولانا فضل الرحمن کے گرد گھوم رہی ہے۔
فواد چوہدری کا مزید کہنا تھا کہ مولانا فضل الرحمان نے اچھے کارڈز کھیلے ہیں، مولانا فضل الرحمان کا پارلیمنٹ کے باہر بھی اثر زیادہ ہے۔
