اداکار فواد خان ایک بار پھر بالی ووڈ میں واپسی کیلئے تیار
معروف پاکستانی اداکار فواد خان ایک بار پھر بالی ووڈ میں واپسی کے لیے تیار ہیں۔
بھارتی میڈیا کے مطابق پاکستانی اداکار فواد خان بالی ووڈ میں واپسی کے لیے تیار ہیں، وہ بھارتی ٹی وی کی معروف اداکارہ ردھی ڈوگرا کے ساتھ ایک رومانٹک اور کامیڈی فلم کریں گے، دیگر اداکاروں کا انتخاب ابھی ہونا باقی ہے۔
رپورٹ کے مطابق یہ پراجیکٹ ابھی ابتدائی مراحل میں ہے اور اس حوالے سے پیپر ورک حال ہی میں مکمل کیا گیا ہے، فلم ڈائریکٹر کا نام ابھی سامنے نہیں آیا ہے اور اسے خفیہ رکھا گیا ہے۔
فلم کی شوٹنگ رواں سال کے آخر تک نیویارک اور لندن سمیت مختلف مقامات پر شروع ہو جائے گی اور 2025 کے آخر یا 2026 کے آغاز میں اسے سنیما میں نمائش کے لیے پیش کیا جا سکتا ہے۔
