امن بہت بڑی نعمت ہے، بدامنی زوال لاتی ہے، مریم نواز شریف
وزیراعلیٰ پنجاب مریم نواز شریف نے کہا کہ امن بہت بڑی نعمت ہے، بدامنی زوال لاتی ہے۔
وزیراعلیٰ پنجاب مریم نواز شریف نے عالمی یوم امن پرپیغام دیتے ہوئے کہا کہ امن کی خاطرجان قربان کرنے والے شہدا کو خراج عقیدت پیش کرتی ہوں، قیام امن کیلئے سرحدوں کی حفاظت پر مامورافواج، پولیس اور دیگر سیکورٹی فورسز کو سلام۔
مریم نواز نے کہا کہ پاکستان کی تعمیر و ترقی کے لئے پائیدارامن ناگزیر ہے، امن کے علمبرداروں کو خراجِ تحسین ہیں جو تنازعات کے حل کے لیے کاوشیں کررہے ہیں۔
وزیراعلیٰ پنجاب نے کہا کہ امن سے ہی خوشحالی کے پھول کھلتے ہیں خوشیاں ہرسو پھیلتی ہیں، قیام امن کے لئے معاشرے کے ہر فرد کو اپنا کردار ادا کرنا چاہیے۔
مریم نواز نے کہا کہ تشدد اورانتشار کا راستہ اپنانے والے پاک سرزمین کے امن و استحکام کے دشمن ہیں، اختلاف رائے کی آڑ میں امن کو سبوتاژ کرنا قابل مذمت ہے-
وزیراعلیٰ پنجاب نے کہا کہ خدا کرے پاکستان میں ہر سو، ہر دم امن ہوخوشحالی ہو، کشمیر اور فلسطین سمیت دنیا بھرمیں امن سب کا خواب ہے۔
