8 ستمبر پاک بحریہ کی تاریخ میں ایک سنہرا باب ہے، نیول چیف
اسلام آباد: نیول چیف ایڈمرل نوید اشرف نے کہا ہے کہ 8 ستمبر پاک بحریہ کی تاریخ میں ایک سنہرا باب ہے۔
یوم پاک بحریہ 2024 کے موقع پر سربراہ پاک بحریہ ایڈمرل نوید اشرف نے اپنے پیغام میں کہا کہ یوم بحریہ ہماری بحری تاریخ کا ایک قابل ذکر دن ہے جہاں ہمارے نڈر سورما غیر متزلزل عزم کے ساتھ دشمن کے خلاف پوری استثنیٰ اور بہادری سے وار کرتے ہیں۔
انہوں نے کہا کہ یہ دن ہمارے بہادر افسروں اور ملاحوں کی بے لوث قربانیوں کو ایک لازوال خراج عقیدت کے طور پر کھڑا ہے، جن کی مثالی بہادری نسلوں کو متاثر کرتی ہے اور ملک بھر میں حب الوطنی کے جذبے کو ابھارتی ہے۔
ایڈمرل نوید اشرف نے مزید کہا کہ آج کا دن پاک بحریہ کےسرفروشوں کی لازوال قربانیوں کی یاد دلاتا ہے، آج کے دن خون کے آخری قطرے تک ثابت قدم رہنے کا عہد کرتے ہیں۔
واضح رہے کہ سمندری حدود کے نگہبانوں کو سلام پیش کرنے کے لیے ملک بھر میں یوم بحریہ آج ملی جوش و جذبے سے منایا جا رہا ہے۔
جنگِ ستمبر میں پاک بحریہ کی شاندار کارکردگی کی یاد میں ہر سال 8 ستمبر کو یومِ بحریہ کے طور پر منایا جاتا ہے، اس دن پاک بحریہ نے پاکستان کی بری اور فضائی افواج کے شانہ بشانہ رہ کر دشمن کے دانت کھٹے کیے۔
