پوری قوم کو پاک فضائیہ پر فخر ہے، وزیراعظم
وزیراعظم محمد شہباز شریف نے یوم فضائیہ پر اپنے پیغام میں کہا کہ پوری قوم کو پاک فضائیہ پر فخر ہے۔
وزیراعظم نے پاک فضائیہ کی لازوال قربانیوں اور پیشہ ورانہ مہارت پر خراج تحسین پیش کرتے ہوئے کہا کہ 7 ستمبر 1965 کے دن پاک فضائیہ کے شاہینوں نے جرات، بہادری اور شجاعت کی تاریخ رقم کی۔
وزیراعظم نے کہا کہ عددی تعداد میں کم ہونے کے باوجود پاک فضائیہ کے بہادر جوانوں نے اپنی بہادری سے دشمن کے ناپاک عزائم کو خاک میں ملا دیا۔
وزیراعظم نے کہا کہ ایم ایم عالم نے ایک منٹ کے اندر دشمن کے پانچ طیارے تباہ کر کے دشمن کے غرور کو خاک میں ملا دیا، وطن کی خاطر اپنی جانوں کا نذرانہ پیش کرنے والے پاک فضائیہ کے شہداء کو سلام پیش کرتے ہیں۔
