بابر اور شان کی کپتانی خطرے میں پڑگئی، نیا کپتان کون ہوگا؟
قومی ٹیم کی مایوس کن کارکردگی کے بعد ٹیسٹ ٹیم کے کپتان شان مسعود اور وائٹ بال ٹیم کے کپتان بابر اعظم کی کپتانی خطرے میں پڑگئی ہے۔
نجی خبر رساں ادارے کی رپورٹ کے مطابق آسٹریلیا اور پھر بنگلادیش کے خلاف ٹیسٹ میں قومی ٹیم کی مایوس کن کارکردگی کے بعد پی سی بی نے شان مسعود کی جگہ نئے کپتان کی تقرری پر غور شروع کردیا ہے۔
رپورٹ کے مطابق حالیہ شکستوں نے چیئرمین پی سی بی محسن نقوی کو بھی سخت مایوس کیا ہے اور وہ مستقبل میں سخت فیصلے کرسکتے ہیں۔
حالیہ سیریز میں شان مسعود کی انفرادی کارکردگی بھی مایوس کن رہی ہے، انہوں نے بطور کپتان پانچ میچز میں 28 کی اوسط سے مجموعی طور پر 286 رنز اسکور کیے ہیں۔
دوسری جانب چیمپئنز ون ڈے کپ میں بابر اعظم کو کسی ٹیم کا کپتان نہ بنائے جانے کے بعد اب ان کی وائٹ بال ٹیم کی کپتانی بھی خطرے میں پڑگئی ہے۔
رپورٹ میں یہ دعویٰ بھی سامنے آیا ہے کہ آسٹریلیا کے خلاف ہونے والی سیریز میں قومی ٹیم کا نیا کپتان مقرر کیا جاسکتا ہے، ایسی صورت حال میں محمد رضوان کا نام سرفہرست ہے جن کو تینوں فارمیٹس کا کپتان مقرر کیے جانے کا امکان ہے۔
ہیڈ کوچ گیری کرسٹن جولائی میں بورڈ آفیشلز اور کپتان سے بات چیت کریں گے جس میں محمد رضوان کے حوالے سے گفتگو کی جائے گی اور قومی امکان ہے کہ انہیں تینوں فارمیٹس کا کپتان مقرر کردیا جائے۔
