ٹیم نے پچھلی ناکامیوں سے کچھ نہیں سیکھا، کپتان قومی کرکٹ ٹیم
قومی کرکٹ ٹیم کے کپتان شان مسعود کا کہنا ہے کہ ٹیم نے پچھلی ناکامیوں سے کچھ نہیں سیکھا ۔
بنگلادیش سے ٹیسٹ سیریز میں وائٹ واش شکست کے بعد قومی کرکٹ ٹیم کے کپتان شان مسعود نے کہا کہ غلطیوں سے سبق سیکھ کر آئندہ بہتر کھیلنے کی کوشش کریں گے۔
شان مسعود نے کہا کہ ہمارے پاس اچھے مواقع تھے، شکست پر بہت مایوسی ہوئی ہے ۔ بولنگ میں بہتری کی ضرورت ہے۔
انہوں نے مزید کہا کہ ٹیسٹ کرکٹ میں بولر اور بیٹرز کےلیے فٹنس بہت اہم ہوتی ہے ۔ ہمیں ہر صورت فٹنس مسائل پر قابو پانا ہوگا۔
واضح رہے کہ پاکستان ٹیم بنگلادیش سے ٹیسٹ سیریز میں وائٹ واش ہونے والی دوسری ٹیم بن گئی ہے۔ اس سے قبل بنگلادیشی ٹیم ویسٹ انڈیز کو (دو مرتبہ) وائٹ واش کرچکی ہے۔
یہ 1887 کے بعد پہلا موقع ہے جب کوئی ٹیم اپنی پہلی اننگز میں 26 رنز پر 6 وکٹیں گنوانے کے بعد ٹیسٹ میچ جیتی ہے۔
بنگلادیش نے پہلے ٹیسٹ میچ میں 10 وکٹوں سے جبکہ دوسرے میچ میں 6 وکٹوں سے فتح حاصل کی۔
