اڈیالہ جیل میں بانی پی ٹی آئی کا طبی معائنہ مکمل
ڈاکٹر محمد عاصم یوسف بانی پی ٹی آئی کا اڈیالہ جیل میں طبی معائنہ کر کے واپس روانہ ہو گئے۔
تفصیلات کے مطابق اڈیالہ جیل میں بانی پی ٹی آئی کا طبی معائنے کا عمل تقریبا ایک گھنٹہ سے زائد وقت جاری رہا۔ ڈاکٹرمحمد عاصم یوسف بانی پی ٹی آئی کے طبی معائنہ کے بعد اڈیالہ سے واپس روانہ ہو گئے۔
بانی پی ٹی آئی کے وکلا نے 8 اگست کو طبی معائنے کی درخواست کی تھی۔ عدالت نے بانی پی ٹی آئی کا طبی معائنہ کرنے اور رپورٹ جمع کروانے کا حکم دے رکھا ہے۔
ذرائع کا کہنا ہے کہ بانی پی ٹی آئی کو کچھ روز سے ٹنٹس مرض کی شکایت ہے، ٹِنٹس مرض سے مریض کے کانوں میں سیٹیاں بجتی ہیں، سر بھاری ہوتا ہے، چکر آنے لگتے ہیں
ذرائع کے مطابق بانی پی ٹی آئی کو اس سے قبل بھی یہ مرض ہوا تھا، سرکاری ڈاکٹر نے طبی معائنے کے بعد بانی پی ٹی آئی کو دوائی تجویز کی تھی۔ بانی پی ٹی آئی کے اپنے معالج نے سرکاری ڈاکٹر کی دوائی لینے سے روک دیا تھا۔
