سیمنٹ کی تازہ ترین قیمت سامنے آگئی؛ اپنا گھر بنانے والوں کیلئے بڑی خبر – پاک لائیو ٹی وی

سیمنٹ کی تازہ ترین قیمت سامنے آگئی ہے۔

پاکستان بیوروبرائے شماریات کے اعدادوشمار کے مطابق 25 جولائی کو ختم ہونے والے ہفتہ میں ملک کے شمالی ریجن میں سیمنٹ کی فی بوری کی اوسط ریٹیل قیمت 1508 روپے ریکارڈ کی گئی جو پیوستہ ہفتے کے مقابلہ میں 0.54 فیصد زیادہ ہے۔

 پیوستہ ہفتے میں ملک کے شمالی ریجن میں سیمنٹ کی فی بوری کی اوسط ریٹیل قیمت 1499 روپے ریکارڈ کی گئی تھی۔

25 جولائی کو ختم ہونے والے ہفتہ میں ملک کے جنوبی ریجن میں سیمنٹ کی فی بوری کی اوسط ریٹیل قیمت 1379 روپے ریکارڈ کی گئی جو پیوستہ ہفتے میں بھی 1379 روپے تھی۔

اسلام آباد میں سیمنٹ کی فی بوری کی اوسط ریٹیل قیمت 1537، راولپنڈی 1513، گوجرانوالہ 1550، سیالکوٹ 1550، لاہور 1556، فیصل آباد 1460، سرگودھا 1480، ملتان 1457، بہاولپور 1500، پشاور 1500 اور بنوں میں 1470 روپے ریکارڈ کی گئی۔

اسی طرح جنوبی ریجن کے شہروں کراچی میں سیمنٹ کی فی بوری کی اوسط ریٹیل قیمت 1324، حیدر آباد 1325، سکھر 1450، لاڑکانہ 1400، کوئٹہ 1430 اور خضدار میں 1343 روپے ریکارڈ کی گئی۔