ہنڈا نے اپنی مشہور زمانہ گاڑی ‘سٹی’ سے متعلق بڑا اعلان کردیا – پاک لائیو ٹی وی

ہنڈا کمپنی نے اپنی مشہور زمانہ گاڑی ‘سٹی’ سے متعلق بڑا اعلان کردیا ہے۔

ذرائع کے مطابق  ہنڈا پاکستان اپنی کامیابی کے 30 سال مکمل ہونے پر سٹی 1.2 خریدنے والوں کو محض 30 ہزار روپے میں گاڑی کا انٹیریئر ہائی گریڈ کرانے کی آفر دے رہی ہے۔

کمپنی کی جانب سے یہ آفر محدود مدت کے لیے ہے اور صرف ہنڈا سٹی 1.2 ایم ٹی اور ہنڈا سٹی 1.2 سی وی ٹی کے لیے ہے۔

  ہنڈا سٹی 1.2 میں وی ٹی ای سی انجن دیا گیا ہے، اس گاڑی میں ٹچ اسکرین ڈسپلے اور اسمارٹ فون کنیکٹویٹی جیسے فیچرز مہیا کیے گئے ہیں۔

گاڑی میں دیئے گئے سیفٹی فیچرز میں اینٹی لاک بریکنگ سسٹم (اے بی ایس)، الیکٹرانک بریک فورس ڈسٹری بیوشن (ای بی ڈی) اور ملٹی پل ایئربیگز وغیرہ شامل ہیں۔