پیرس اولمپکس کی افتتاحی تقریب آج ہوگی
پیرس اولمپکس کی رنگا رنگ افتتاحی تقریب آج ہوگی۔
پیرس اولمپکس 2024 کا آغاز فٹبال اور رگبی کے مقابلوں سے ہوگیا تاہم اس کا باقاعدہ آغاز آج سے ہوگا۔
اولمپکس کی تاریخ میں پہلی مرتبہ ایونٹ کی افتتاحی تقریب اسٹیڈیم سے باہر منعقد کی جائے گی ۔
اولمپکس کھیلوں کے افتتاحی تقریب پیرس کے مرکز ی علاقے میں دریائے سین پر ہوگی جس میں مختلف ممالک کے وفود کشتیوں پر سوار ہوکر دریائے سین میں پریڈ کریں گے۔
افتتاحی تقریب دریائے سین سے ایفل ٹاور کے باغات اور محلات تک 6کلومیٹر پر محیط ہوگی جس میں 100 کشتیاں، تقریبا 10ہزار ایتھلیٹس کو لیے پیرس کے مشہور مقامات کے قریب سے گزریں گی۔
افتتاحی تقریب میں 3ہزار سے زائد فنکار اپنے فن کا جادو بھی جگائیں گے۔
پاکستانی اسپرنٹر فائقہ ریاض نے بول نیوز سے گفتگو میں کہا کہ وہ پیرس اولمپکس 2024 میں ملک کی نمائندگی کرتے ہوئے 100 میٹر دوڑ میں کارکردگی بڑھانے کے لیے پرعزم ہیں۔
فائقہ ریاض ویمنز 100 میٹر ریس کے ابتدائی راؤنڈ میں2 اگست کو حصہ لیں گی۔