سوزوکی آلٹو خریدنے کے خواہشمند پاکستانیوں کیلئے بڑی خوشخبری
سوزوکی آلٹو خریدنے کے خواہشمند پاکستانیوں کیلئے بڑی خوشخبری آگئی ہے۔
سوزوکی موٹر کارپوریشن کی جانب سے آلٹو ہیچ بیک گاڑی کا وزن 15 فیصد تک کم کرنے کا فیصلہ کیا گیا ہے۔
سوزوکی موٹر کارپوریشن اگلے 10 سال کے عرصے میں آلٹو گاڑی کا وزن 15 فیصد کم کرے گی جس کا مقصد گاڑی کی توانائی کے استعمال کو کم سے کم رکھنا ہے۔
آلٹو گاڑی کا وزن 680 کلوگرام ہے جو وقت کے ساتھ تبدیلی کے بعد 100 کلوگرام کم ہو جائے گا اور اس تبدیلی سے نہ صرف گاڑی کی فیول ایوریج بہتر ہوگی بلکہ اس کی لاگت میں بھی کمی ہوگی۔
اس حوالے سے سوزوکی کی آٹوموٹیو ٹیکنالوجی کے ایک ایگزیکٹیو انچارج تاتسویا ماتسوشیتا نے کہا ہے کہ اگر کوئی گاڑی بھاری ہے تو ہمیں لمبی رینج اور اچھی کارکردگی حاصل کرنے کے لیے بیٹری اور موٹر کو بھی بڑا کرنا پڑتا ہے۔
ایگزیکٹیو انچارج کا کہنا ہے کہ چھوٹی موٹریں اور بیٹریاں ممکنہ طور پر سوزوکی کو اپنے ماڈلز کی قیمت کم کرنے میں مدد کریں گی۔
سوزوکی کارپوریشن کے مطابق گاڑی کے وزن میں 200 کلوگرام کی کمی مینوفیکچرنگ مرحلے پر توانائی کی کھپت میں 20 فیصد اور استعمال کے دوران 6 فیصد تک کمی کر سکتی ہے۔
سوزوکی کارپوریشن کی جانب سے کہا گیا ہے کہ وہ سافٹ ویئر اور ایڈوانسڈ ڈرائیور اسسٹ ٹیکنالوجیز تیار کرنے کے لیے کام کر رہی ہے جس سے سڑکوں پر ٹریفک جام کو کم کرنے میں مدد ملے گی۔
