تعلیمی اداروں میں گرمیوں کی تعطیلات بڑھانے سے متعلق بڑا فیصلہ
تعلیمی اداروں میں گرمیوں کی تعطیلات بڑھانے سے متعلق بڑا فیصلہ کر لیا گیا ہے۔
ذرائع کے مطابق وزیر تعلیم سندھ سید سردار علی شاہ کی ہدایت پر محکمہ تعلیم نے 14 اگست تک اسکولز میں تعطیلات بڑھانے کا نوٹیفکیشن جاری کردیا ہے۔
انہوں نے کہا کہ گرمی اور برسات کے امکان پر تعطیلات میں اضافے کا فیصلہ کیا گیا ہے، اسکولوں میں 14 اگست سے ہم نصابی سرگرمیوں کو جاری رکھا جائے گا، تمام نجی و سرکاری اسکولز جشن آزادی سے متعلق پروگرامز منعقد کریں گے۔
وزیر تعلیم سندھ سردار علی شاہ نے کہا کہ تعطیلات کے بعد سندھ میں نیا تعلیمی سال 15 اگست سے شروع ہوگا۔
واضح رہے کہ سندھ میں جون جولائی کی چھٹیوں کے بعد اسکولز یکم اگست سے کھولے جانے تھے تاہم موسم کی صورتحال کے پیش نظر اب اسکولز 15 اگست سے کھلیں گے۔