سال 2024 کی پہلی ششماہی کے دوران بینک صارفین کو 68 کروڑ روپے کا ریلیف
کراچی: بینکنگ محتسب نے سال 2024 کی پہلی ششماہی کے دوران بینک صارفین کو 68 کروڑ روپے کا ریلیف فراہم کیا۔
بینکنگ محتسب پاکستان نے سال 2024 میں جنوری سے جون کے دوران بارہ ہزار سے زائد (12,568) شکایات کا ازالہ کیا۔
شکایات کے ازالے کے بعد بینک صارفین کو 68 کروڑ روپے کا مالیاتی ریلیف فراہم کیا گیا۔
بینکنگ محتسب پاکستان کی جانب سے جاری کردہ اعلامیہ کے مطابق گزشتہ سال بھی اسی عرصے میں بارہ ہزار سے زائد شکایات کا ازالہ کرکے بینک صارفین کو 53 کروڑ 97 لاکھ روپے کا ریلیف فراہم کیا تھا۔
بینکنگ محتسب کی جانب سے تقریباً 96 فیصد (12,015) شکایات کو خوش اسلوبی سے حل کیا گیا جب کہ صر ف 4 فیصد (457) شکایات میں باقاعدہ سماعت کے بعد بینکنگ محتسب کے رسمی احکاما ت جاری کیے گئے۔
بینکنگ محتسب پاکستان کا کہنا ہے کہ اسٹیٹ ینک کی جانب سے واضح ہدایات کے باوجود کمرشل بینکو کے خلاف در ج ہونے والی شکایات کی تعداد میں کوئی واضح کمی دیکھنے میں نہیں آئی ہے۔
یکم جنوری سے 30 جون 2024 تک تقریباً چودہ ہزار (14,058) نئی شکایات موصول ہوئی ہیں، موصول ہونے والی شکایات میں پرائم منسٹر پورٹل کی 457 3 شکایات بھی شامل ہیں۔
بینکنگ محتسب پاکستان سراج الدین عزیز کا کہنا ہے کہ بینک صارفین اپنی ذاتی اور مالی معلومات کسی بھی صورت کسی کو فراہم نہیں کریں۔
انہوں نے کہا کہ مشکوک کا لز کے موصول ہونے کی صورت میں انہیں فوری طور پر اپنے بینک کی قریبی برانچ یا بینک کی ہیلپ لائن پر رابطہ کرنا چاہیے۔