ایشیائی ترقیاتی بینک نے پاکستانی عوام کیلئے خطرے کی گھنٹی بجادی
ایشیائی ترقیاتی بینک نے پاکستانی عوام کیلئے خطرے کی گھنٹی بجادی ہے۔
ذرائع کے مطابق ایشیائی ترقیاتی بینک نے ایشین ڈویلپمنٹ آؤٹ لک جاری کردیا ہے جس میں پیشگوئی کی ہے کہ پاکستانی معیشت میں قرضوں کا حجم 7 فیصد کم ہوسکتا ہے۔
رپورٹ میں کہا گیا کہ قرضوں کا حجم 77 فیصد سے کم ہو کر 70 فیصد تک ہوسکتا ہے، رواں مالی سال پاکستان کے 62 فیصد محصولات قرضوں کی ادائیگی پر خرچ ہوں گے۔
اے ڈی بی نے کہا کہ پاکستان میں مہنگائی کی شرح 38 فیصد سے کم ہوکر 11.8 فیصد تک پہنچی، مہنگائی کی شرح کم ہونے سے پالیسی ریٹ میں کمی ہوئی۔
رپورٹ میں کہا گیا کہ رواں مالی سال پاکستان میں مہنگائی کی شرح زیادہ رہے گی، گزشتہ مالی سال پاکستان کی شرح نمو 2.4 فیصد رہی اور معاشی ترقی کی شرح میں زراعت نے اہم کردار ادا کیا۔
