یوٹیوب پر مختصر ویڈیوز بنانے والوں کیلئے بڑی خوشخبری؛ زبردست فیچرز کا اعلان
یوٹیوب پر مختصر ویڈیوز بنانے والوں کیلئے بڑی خوشخبری آگئی ہے۔
غیرملکی میڈیا رپورٹس کے مطابق ٹاک ٹاک جیسی مختصر ویڈیوز پوسٹ کرنے والوں کے لیے یوٹیوب نے اب متعدد نئے فیچرز متعارف کرا دیے ہیں۔
یوٹیوب نے اعلان کیا ہے کہ متعارف کردہ نئے فیچرز میں سے بعض فوری طور پر صارفین کے لیے دستیاب ہوں گے جبکہ دیگر فیچرز کی دستیابی بھی چند ہی ہفتوں میں یقینی بنائی جائے گی۔
ایک نیا فیچر یوٹیوب شارٹس کے نام سے متعارف کرایا گیا جو ٹک ٹاک کے ٹیکسٹ ٹو اسپیچ ویڈیو نیریشن جیسا ہے جس کے لیے آرٹیفیشل انٹیلیجنس ٹیکنالوجی پر مبنی وائس اوور کی سہولت فراہم کی جائے گی۔
یوٹیوب شارٹس میں اسکرین کے اوپری بائیں کونے پر ایڈوائس کے بٹن پر کلک کرکے آپ فی الحال دی گئی 4 آوازوں میں سے اپنی پسند کی کوئی بھی آواز کا انتخاب کرسکتے ہیں۔
ایک اور نیا فیچر آٹو جنریٹڈ کیپشنز کا ہے جس کے ذریعے آپ ویڈیو سے نکلے بغیر آٹو جنریٹڈ کیپشنز کو استعمال کرسکیں گے اور مختلف فونٹس اور رنگوں سے کیپشنز کے انداز بھی تبدیل کرسکیں گے۔
اس کے علاوہ مائن کرافٹ ایفیکٹس کے ایک نئے سیٹ کو بھی ویڈیو سروس کا حصہ بنایا جا رہا ہے۔
