متعلقہ

آٹا چکی ایسوسی ایشن نے بھی فلور ملز کی ہڑتال کی حمایت کردی – پاک لائیو ٹی وی


آٹا چکی ایسوسی ایشن نے بھی فلور ملز کی ہڑتال کی حمایت کردی

آٹا چکی ایسوسی ایشن نے بھی فلور ملز کی ہڑتال کی حمایت کردی

کراچی: فلور ملز ایسوسی ایشن کی ہڑتال کے بعد آٹا چکی ایسوسی ایشن بھی میدان میں کود پڑی ہے۔

آٹا چکی ایسوسی ایشن نے بھی فلور ملز کی ہڑتال کی حمایت کردی ہے جس کے بعد کراچی اور حیدرآباد میں آٹا چکیاں بند ہونا شروع ہوگئی ہیں۔

آٹا چکی ایسوسی ایشن نے بھی گندم کی پسائی روک دی ہے جب کہ آٹا چکیاں بند ہونے سے شہر میں آٹے کا بحران سنگین ہونے کا خدشہ پیدا ہوگیا ہے۔

فلور ملز نے ود ہولڈنگ ٹیکس کے خلاف ملک بھر میں ہڑتال کی ہوئی ہے، کراچی سمیت سندھ بھر میں آج لاکھوں کلو آٹا سپلائی نہیں ہوسکا ہے۔

فلور ملز بند ہونے سے ڈبل روٹی، بیکری، تندور اور ہوٹلوں کو آٹے کی سپلائی معطل ہوگئی ہے۔

واضح رہے کہ فلور ملز کی ہڑتال طویل ہوتی ہے تو آٹے کی سپلائی بند ہونے سے تندور ہر روٹیوں اور بیکری آئٹم کی قلت کا خدشہ ہے جب کہ فلور ملز کی بندش سے براںڈ ڈبل روٹی اور پاپے کا  بحران بھی پیدا ہوجائے گا۔