ای بائیکس کب دی جائینگی؟ طلبا و طالبات کیلئے اچھی خبر آگئی
ای بائیکس دیئے جانے سے متعلق طلبا و طالبات کیلئے اچھی خبر آگئی ہے۔
ذرائع کے مطابق محکمہ ٹرانسپورٹ نے طلبا و طالبات کو ای بائیکس اور پیٹرول بائیکس آسان اقساط پر دینے کی ورکنگ مکمل کرلی ہے۔
وزیراعلیٰ مریم نواز شریف کل بائیکس کی چابیاں طلبا و طالبات کے حوالے کریں گی، 20 ہزار پیٹرول بائیکس جبکہ 8 ہزار سے زائد ای بائیکس طلبا و طالبات کو دی جائیں، بائیکس اسکیم میں طالبات کا کوٹہ 2 ہزار رکھا گیا۔
مجموعی طور پر صوبہ بھر سے 8 ہزار سے زائد طالبات نے اپلائی کیا تو وزیراعلیٰ پنجاب نے تمام طالبات کو ای بائیکس دینے کی منظوری دے دی۔
پنجاب حکومت کو طلبا و طالبات کی جانب سے 72 ہزار سے زائد درخواستیں موصول ہوئیں، ای اور موٹر بائیکس اسکیم کے لیے ایک لاکھ 90 ہزار طلبا و طالبات نے ویب پورٹل پراپلائی کیا۔
یاد رہے کہ طالبات کے کوٹے میں اضافے کے باعث ای بائیکس کی تعداد 20 سے بڑھ کر 28 ہزار کردی گئی تھی۔
