متعلقہ

اداکارہ انوشے اشرف رشتہ ازدواج سے منسلک – پاک لائیو ٹی وی


اداکارہ انوشے اشرف رشتہ ازدواج سے منسلک

معروف پاکستانی وی جے، ماڈل، میزبان اور اداکارہ انوشے اشرف رشتہ ازدواج میں منسلک ہو گئیں۔

حال ہی میں اداکارہ انوشے اشرف نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر اپنے نکاح کی تصاویر شیئر کرتے ہوئے مزاحیہ انداز میں مداحوں کو بتایا کہ انہوں نے شادی کرلی ہے۔

اداکارہ نے نکاح کی تصاویر شیئر کرتے ہوئے مزاحیہ انداز میں لکھا کہ ان سے ہر کوئی پوچھتا ہے کہ بیٹا شادی کب کرو گی؟ لو، اب کرلی۔

انوشے اشرف کا نکاح آن لائن ہوا ہے، جبکہ ان کے چند عزیز و اقارب نے بھی ان کے نکاح میں بذریعہ ویڈیو کال شرکت کی۔

انوشے اشرف نے انسٹاگرام اسٹوریز میں شوہر کی تصاویر شیئر کرتے ہوئے مداحوں کو اپنے شوہر کا نام بھی بتایا۔

انہوں نے شوہر کے ہمراہ پرانی تصویر بھی شیئر کی، جس میں دونوں کو کسی سیاحتی مقام پر خوشگوار موڈ میں دیکھا جا سکتا ہے۔

 

انہوں نے نکاح کے دوران شوہر کی لی گئی تصاویر بھی شیئر کیں اور بتایا کہ ان کے شوہر کا نام شہاب رضا مرزا ہے۔