متعلقہ

سولر پینل لگوانے کے خواہشمندوں کو حکومت نے بڑی خوشخبری سنادی – پاک لائیو ٹی وی


سولر پینل لگوانے کے خواہشمندوں کو حکومت نے بڑی خوشخبری سنادی

سولر پینل لگوانے کے خواہشمندوں کو حکومت نے بڑی خوشخبری سنادی ہے۔

ذرائع کے مطابق وفاقی کابینہ نے “عزم استحکام وژن” کو ملک کی ضرورت قرار دیتے ہوئے وزیراعظم آفس کے اعلامیے کی توثیق کردی ہے۔

اعلامیے کے مطابق وفاقی کابینہ اجلاس میں وزیراعظم شہبازشریف کا کہنا تھا کہ عزم استحکام آپریشن سے متعلق غلط فہمیاں پھیلائی جارہی ہیں۔ ہمیں اپنی لڑائیوں کی بجائے اس آپریشن کو سپورٹ کرنا ہوگا۔

انہوں نے کہا تھا کہ انٹیلی جنس کی بنیاد پردہشت گردوں کیخلاف کارروائی ہونی چاہیے، عزم استحکام کے تمام پہلوؤں پرمشتمل ایک قومی وژن ہے۔ قومی وژن میں سیاسی سفارتی اور دیگر پہلو بھی ہوں گے۔

شہبازشریف کا کہنا تھا کہ عزم استحکام کثیر جہتی، سیکورٹی اداروں کے تعاون اور پورے ریاستی نظام کا مجموعی قومی وژن ہے، کسی نئے آپریشن کی بجائے پہلے سے جاری انٹیلی جنس بنیاد پر کارروائیاں تیز کی جائیں گی، بڑے پیمانے پر مسلح آپریشن کے نتیجے میں نقل مکانی کی ضرورت ہوتی ہے۔

 وزیراعظم کا کہنا تھا کہ وژن عزم استحکام کے تحت ایسے کسی آپریشن کی شروعات محض غلط فہمی ہے۔ عزم استحکام کا مقصد دہشت گردوں کی باقیات، پرتشدد انتہا پسندی کو فیصلہ کن طور پر جڑ سے اکھاڑنا ہے۔

انہوں نے کہا تھا کہ عام آدمی کی قابلِ تجدید شمسی توانائی تک رسائی یقینی بنانی ہے، اس کے لئے سولر پینلز پر کسی قسم کی نئی ڈیوٹی نہیں لگائی جائے گی، کم لاگت قابل تجدید شمسی توانائی ہر شہری تک پہنچائیں گے، معیشت مثبت سمت پر گامزن کرنے کے لیے بھرپور منصوبہ بندی کررہے ہیں۔

وزیراعظم کا کہنا تھا کہ اللہ کے فضل سے ملک معاشی استحکام کی جانب تیزی سے بڑھ رہا ہے، چھوٹے اور درمیانے پیمانے کی صنعت کو ترقی دے کر برآمدات بڑھائیں گے، اشرافیہ اور ملکی وسائل کا استحصال کرنے والوں کی مراعات ختم کی جائیں گی، عام آدمی کا معاشی تحفظ اور یکساں ترقی کے مواقع دینا ترجیح ہے۔