عالمی بینک سے پاکستان کے لئے بڑی خوشخبری آگئی
عالمی بینک سے پاکستان کے لئے بڑی خوشخبری آگئی ہے۔
عالمی بینک کی جانب سے جاری کردہ اعلامیہ کے مطابق ورلڈ بینک، پاکستان کو 53 کروڑ 50 لاکھ ڈالر فراہم کرے گا، پاکستان کو یہ رقم 2 منصوبوں کیلئے فراہم کی جائے گی۔
اعلامیہ کے مطابق پہلے پراجیکٹ کے تحت 40 کروڑ ڈالر فراہم کیے جائیں گے، یہ رقم پاکستان میں موسمیاتی تبدیلیوں کے نقصانات کم کرنے پر خرچ کی جائے گی۔
دوسرے پراجیکٹ کے تحت 13 کروڑ 50 لاکھ ڈالر فراہم کیے جائیں گے۔ اس رقم کا مقصد سندھ میں لائیو اسٹاک کے شعبے میں بہتری لانا ہے اور اس شعبے کو موسمیاتی تبدیلیوں کے اثرات سے محفوظ بنایا جائے گا۔
