واٹس ایپ کا اپنے صارفین کیلئے ایک اور بہترین فیچر متعارف
واٹس ایپ کی جانب سے اپنے صارفین کیلئے ایک اور بہترین فیچر جلد متعارف کرانے کا امکان ہے۔
میٹا کی جانب سے واٹس ایپ پر بھیجے جانے والے وائس نوٹ کو تحریر میں تبدیل کرنے کے فیچر پر آزمائش شروع کردی گئی ہے۔
پہلے پہل اس فیچر تک رسائی محدود صارفین کو دی جائے گی، اس کا مقصد بالخصوص مختلف زبانوں میں بات چیت کرنے والے صارفین کے لیے واٹس ایپ کا استعمال مزید آسان بنانا ہے۔
اس فیچر کے ذریعے صارفین کو وائس میسیجز سننے کی ضرورت نہیں پڑے گی بلکہ اس فیچر کے بعد صارفین چاہیں تو ایک کلک کے ذریعے وائس نوٹ کو اپنی ترجیحی زبان میں تبدیل کر سکیں گے اور سمجھ سکیں گے۔
واضح رہے کہ اس فیچر پر گزشتہ برس سے کام جاری تھا، تاہم اب اس کی باقاعدہ آزمائش شروع کردی گئی ہے اور امکان ہے اسے جلد ہی تمام صارفین کے لیے بھی متعارف کرایا جائے گا۔
