متعلقہ

ٹی ٹوئنٹی ورلڈکپ: افغانستان کی سپر ایٹ میں رسائی، نیوزی لینڈ ایونٹ سے باہر – پاک لائیو ٹی وی


ٹی ٹوئنٹی ورلڈکپ

ٹی ٹوئنٹی ورلڈکپ: افغانستان کی سپر ایٹ میں رسائی، نیوزی لینڈ ایونٹ سے باہر

آئی سی سی ٹی ٹوئنٹی ورلڈ کپ میں افغانستان نے پاپوا نیوگنی کو 7 وکٹوں سے شکست دے کر سپر 8 مرحلے  میں رسائی حاصل کر لی۔

تفصیلات کے مطابق ٹرینیڈاڈ میں کھیلے گئے 29ویں میچ میں افغانستان نے  96 رنز کا ہدف 15.1 اوورز میں 3 وکٹوں کے نقصان پر حاصل کر لیا۔

افغانستان کی جانب سے گلبدین نائب 49 رنز کی ناقابل شکست اننگز کھیل کر  نمایاں بلے باز رہے  ، محمد نبی 16 رنز پر ناٹ آؤٹ رہے۔

پاپوا نیو گنی کی جانب سے ایلی ناؤ، سیمو کمیا اور نارمن نے ایک ایک کھلاڑی کو آؤٹ کیا۔

اس سے قبل افغانستان نے ٹاس جیت کر پاپوا نیو گنی  کو پہلے بیٹنگ کی دعوت دی تو پوری ٹیم 19.5 اوورز میں 95 رنز بنا کر آؤٹ ہو گئی۔

پاپوا نیو گنی کی جانب سے کپلن ڈوریگا 27 رنز  بناکر نمایاں رہے۔

افغانستان  کی جانب سے فضل الحق فاروقی نے 3  ، نوین الحق نے 2 اور نور احمد نے  ایک وکٹ حاصل کی۔

افغانستان  اس جیت کے ساتھ گروپ سی سے ویسٹ انڈیز  کے ہمراہ سپر ایٹ مرحلے میں پہنچنے میں کامیاب ہوگئی۔ نیوزی لینڈ  کے ابھی دو گروپ میچز باقی ہیں تاہم ان میں جیت بھی اب نیوزی لینڈ کو سپر ایٹ مرحلے تک نہیں پہنچاسکتی۔