سرکاری ملازمین کی تنخواہوں اور پینشن میں اضافے سے متعلق بڑی خبر
سرکاری ملازمین کی تنخواہوں اور پینشن میں اضافے سے متعلق بڑی خبر آگئی ہے۔
ذرائع کے مطابق وزیراعظم شہباز شریف سے پیپلز پارٹی وفد نے ملاقات کی جس میں وزیراعظم نے پیپلزپارٹی کو دوبارہ کابینہ میں شمولیت کی دعوت دی۔
دوران ملاقات پی پی رہنماؤں نے مؤقف اختیار کیا کہ شمولیت کا حتمی فیصلہ آصف زرداری اور بلاول بھٹو کریں گے۔
پیپلز پارٹی وفد نے بجٹ منظوری میں حکومت کو مکمل تعاون کی یقین دہانی کرائی اور عوام کو ریلیف دینے کیلئے اپنی تجاویز پیش کیں۔ سرکاری ملازمین کی تنخواہوں اور پینشن میں 20 سے 50 فیصد اضافے کا مطالبہ کیا۔
دوران ملاقات وزیراعظم شہباز شریف نے کہا کہ اپنے وسائل میں رہتے ہوئے تنخواہوں میں اضافہ کریں گے، سندھ حکومت نے ترقیاتی منصوبوں کیلئے فنڈز کی فراہمی تیز کرنے کا بھی مطالبہ کیا۔