متعلقہ

کسانوں کے لیے خوشخبری، فرٹیلائزر یوریا کی قیمتوں میں کمی کا امکان – پاک لائیو ٹی وی


کسانوں کے لیے خوشخبری، فرٹیلائزر یوریا کی قیمتوں میں کمی کا امکان

کسانوں کے لیے خوشخبری، فرٹیلائزر یوریا کی قیمتوں میں کمی کا امکان

فرٹیلائزر مینوفیکچررز ایڈوائزری کونسل آف پاکستان (ایف ایم پی اے سی) نے ملک میں فرٹیلائزر یوریا کی قیمتوں میں کمی پر رضامندی ظاہر کردی۔

وزارت صنعت و پیداوار کی جانب سے جاری کردہ اعلامیہ کے مطابق وفاقی وزیر برائے صنعت و پیداوار رانا تنویر حسین سے منیجنگ ڈائریکٹر اور سی ای او فوجی فرٹیلائزر کمپنی جہانگیر پراچہ نے ملاقات کی۔

ایف ایم پی اے سی کا کہنا تھا کہ یوریا کھاد کی قیمتوں میں نمایاں کمی کے لیے تیار ہیں تاہم انہوں نے تجویز دی کہ حکومت لاگو گیس کی قیمتوں کے تعین کی پالیسیوں کے مطابق تمام کھاد پلانٹس کو گیس صرف ماڑی گیس فیلڈ سے فراہم کرے۔

انہوں نے یہ بھی تجویز دی کہ حکومت آئندہ 10 سال تک تمام فرٹیلائزر انڈسٹری کو گیس کی فراہمی کی یقین دہانی کرائے، کسانوں کے لیے سستی یوریا کھاد کی دستیابی کو یقینی بنائیں گے۔

ایف ایم پی اے سی نے مزید تجویز دی کہ اس سے یوریا کی درآمد پر زرمبادلہ کی بھی بچت ہوگی، کھاد کی پیداواری صلاحیت اور توانائی کی کارکردگی میں مزید سرمایہ کاری کو راغب کرے گا۔

ان کا یہ بھی کہنا تھا کہ حکومت پورے پاکستان میں یوریا کھاد کی یکساں قیمتیں مقرر کرے، اس سے مڈل مین اور ایجنسیوں کی طرف سے منافع خوری ختم ہو جائے گی۔

وفاقی وزیر برائے صنعت و پیداوار رانا تنویر حسین نے کہا کہ حکومت فرٹیلائزر مینوفیکچررز ایڈوائزری کونسل آف پاکستان کی تجویز ای سی سی میں لے جائے گی، کسانوں کو سہولت میئسر کرنا حکومت کی اولین ترجیح ہے۔