![شہبازشریف](https://paklivetv.com/wp-content/uploads/2024/04/%D8%B5%D9%88%D8%A8%D9%88%DA%BA-%DA%A9%DB%8C-%D8%AA%D8%B1%D9%82%DB%8C-%DA%A9%DB%92-%D9%84%DB%8C%DB%92-%D8%A7%DB%81%D9%85-%D9%81%DB%8C%D8%B5%D9%84%DB%92-%DA%A9%D8%B1%D9%86%DB%92-%DB%81%D9%88%DA%BA-%DA%AF%DB%92%D8%8C.jpg)
صوبوں کی ترقی کے لیے اہم فیصلے کرنے ہوں گے، وزیراعظم
وزیراعظم کا کہنا ہے کہ صوبوں کی ترقی کے لیے اہم فیصلے کرنے ہوں گے، بعض اوقات شاید ایسے فیصلے کرنے پڑیں جو خود کوپسند نہ ہوں۔
وزیراعظم شہبازشریف وزیراعلٰی سندھ سید مراد علی شاہ اور صوبائی کابینہ کے ساتھ اجلاس میں گفتگوکرتے ہوئے کہا کہ کسی بھی صوبے کی ترقی پاکستان کی ترقی ہے، سندھ اور پنجاب کی ترقی دراصل پاکستان کی ترقی ہے۔
وزیراعظم شہبازشریف نے اجلاس میں گفتگو کرتے ہوئے کہا کہ کراچی آنے کاموقع ملا، تمام ساتھیوں کاشکریہ اداکرتاہوں، ایک دوسرے کا ساتھ دیں گے تو گاڑی آگے بڑھ سکے گی۔
وزیراعظم نے کہا کہ پنجاب میں ہمیں عوام نے مینڈیٹ دیا، اس وقت سب سے بڑا مسئلہ معیشت کے استحکام کا ہے، صوبوں کی ترقی کے لیے اہم فیصلے کرنے ہوں گے۔
وزیراعظم شہبازشریف نے کہا کہ تمام وزرا کو کہتا ہوں آپس میں مضبوط تعلقات رکھیں، معاشی استحکام کے لیے وفاق اورصوبوں کو قریبی تعلق بنانا ہوگا۔ آئندہ آنے والے دنوں میں سرمایہ کاری کے لئے وفد پاکستان آئیں گے۔
انھوں نے مذید گفتگو کرتے ہوئے کہا کہ مل کرکام کرنے سے مثبت نتائج نکلیں گے، عوام کی ترقی اوربحالی کے لیےتمام اقدام کرنا ہوں گے، بعض اوقات شاید ایسے فیصلے کرنے پڑیں جو خود کوپسند نہ ہوں۔