’ 2025 میں میوزک لوورز کو پنجابی، اردو اور سرائیکی زبان میں شاندار گیت سننے کو ملیں گے ‘
لیجنڈ گلوکار عطا اللہ خان عیسیٰ خیلوی کے بیٹے سانول خان عیسیٰ خیلوی کا کہنا ہے کہ 2025 میں پنجابی، اردو اور سرائیکی زبان میں شاندار گیت سننے کو ملیں گے۔
حال ہی میں امریکہ سے پاکستان پہنچنے والے گلوکار سانول خان عیسیٰ خیلوی نے میڈیا سے گفتگو کرتے ہوئے کہا کہ انہوں نے بیرون ملک کئی میوزک پروجیکٹس کا آغاز کیا ہے۔ گانوں کی ویڈیو شوٹ مکمل کرنے وہ پاکستان آئے ہیں۔
انہوں نے کہا کہ 2025 میں میوزک لوورز کو پنجابی، اردو اور سرائیکی زبان میں ایسے گیت سننے کو ملیں گے جو ماضی اور حال کا شاندار امتزاج ہوں گے۔
سانول خان عیسیٰ خیلوی نے کہا کہ انہوں نے اپنے والد گلوکار عطا اللہ خان کے ساتھ بھی گانے تیار کیے ہیں، والد نے جس طرح فن موسیقی میں نام بنایا کوشش ہے ان کی فن گائیکی کی میراث کو شاندار انداز میں لے کر آگے بڑھوں۔
گلوکار سانول خان عیسیٰ خیلوی نے کہا کہ وہ بہت جلد ماہ رمضان کی مناسبت سے نعت شریف بھی ریلیز کریں گے۔
