سونو نگم کا اے آر رحمان کی شخصیت سے متعلق اہم بیان سامنے آگیا
بھارت کے معروف گلوکار سونو نگم کا موسیقار اور گلوکار اے آر رحمان کی شخصیت سے متعلق اہم بیان سامنے آگیا ہے۔
حال ہی میں بھارت کے معروف گلوکار سونو نگم نے اپنے ایک بیان میں کہا کہ ’رحمان ایک انتہائی پیشہ ور انسان ہیں اور وہ کبھی بھی ذاتی تعلقات کو اپنے کام پر اثر انداز نہیں ہونے دیتے‘۔
انہوں نے کہا کہ ’اے آر رحمان عام طور پر لوگوں سے زیادہ تعلقات نہیں رکھتے اور اپنے کام میں مگن رہتے ہیں۔ رحمان کسی کے ساتھ زیادہ کھل کر بات نہیں کرتے۔ شاید اپنے پرانے دوستوں کے ساتھ کھلتے ہوں، لیکن میں نے ایسا کبھی نہیں دیکھا۔‘
سونو نگم نے کہا کہ ’اے آر رحمان نہ تو کسی کے بارے میں برا بولتے ہیں اور نہ ہی کسی کا دل دکھاتے ہیں وہ ایک سادہ انسان ہیں۔ وہ اپنی توجہ صرف کام پر مرکوز رکھتے ہیں اور دوسروں کو قریب آنے نہیں دیتے‘۔
گلوکار نے اے آر رحمان کے ساتھ ہونے والی مختصر ملاقاتوں کو یاد کرتے ہوئے کہا کہ ’رحمان نہ تو غیبت کرتے ہیں اور نہ ہی دوسروں کی زندگیوں میں دلچسپی لیتے ہیں‘۔
