سونے کی قیمت میں اضافہ ریکارڈ – پاک لائیو ٹی وی

ملک میں آج سونے کی فی تولہ قیمت میں 1100 روپے کا بڑا اضافہ ریکارڈ کیا گیا ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے پانچویں روز سونے کی قیمت میں اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 1100 روپے اضافے کے ساتھ 2 لاکھ 79 ہزار 400 روپے ہوگئی ہے۔

جبکہ 10 گرام سونے کی قیمت 943 روپے اضافے سے  2 لاکھ 39 ہزار 549 روپے کا ہوگئی ہے۔

عالمی صرافہ مارکیٹ میں سونے کے قیمت 11 ڈالرز اضافے 2676 فی اونس ہوگئی جبکہ چاندی کی فی تولہ قیمت 3350 پر برقرار رہی۔