جنوری کے لئے آر ایل این جی کی نئی قیمت مقرر – پاک لائیو ٹی وی

اسلام آباد: حکومت نے جنوری کے لئے آر ایل این جی کی نئی قیمت مقرر کردی۔

اوگرا نے جنوری کے لئے آر ایل این جی کی قیمتوں کا نوٹیفکیشن جاری کردیا ہے جس کے مطابق سوئی نادرن کے لئے قیمت میں کمی جب کہ سوئی سدرن کے لئے قیمت مین اضافہ کیا گیا ہے۔

نوٹیفکیشن میں بتایا گیا ہے کہ سوئی ناردرن کے لئے آر ایل این جی کی قیمت 12.66 ڈالر فی ایم ایم بی ٹی یو مقرر کی گئی ہے۔

نوٹیفکیشن کے مطابق سوئی سدرن کے لئے آر ایل این جی کی قیمت 12.60 ڈالر فی ایم ایم بی ٹی یو مقرر کی گئی ہے۔

نوٹیفکیشن میں مزید بتایا گیا ہے کہ دسمبر میں سوئی ناردرن کے لئے آر ایل این جی کی قیمت  12.89 ڈالر فی ایم ایم بی ٹی یو تھی جب کہ دسمبر میں سوئی سدرن کی قیمت 12.54 ڈالر فی ایم ایم بی ٹی یو تھی۔