لاس اینجلس میں آگ، نورا فتیحی کیسے محفوظ رہیں؟
لاس اینجلس میں جنگلاتی آگ کے باعث گھروں سے انخلا کرنے والوں میں مشہور بالی ووڈ اداکارہ اور ڈانسر نورا فتیحی بھی شامل ہیں۔
مراکشی نژاد بھارتی اداکارہ و ڈانسر نورا فتیحی نے اپنے انسٹاگرام اکاؤنٹ ایک ویڈیو شیئر کی، جس میں انہوں نے کہا: “میں لاس اینجلس میں ہوں اور یہ جنگلاتی آگ واقعی پاگل پن ہے۔ میں نے پہلے کبھی ایسی چیز نہیں دیکھی۔ ہمیں پانچ منٹ پہلے انخلا کا حکم ملا۔ میں نے جلدی سے اپنا سامان پیک کیا اور یہاں سے نکل رہی ہوں۔”
انہوں نے کہا:”میں ایئرپورٹ کے قریب جا رہی ہوں کیونکہ میری آج فلائٹ ہے اور مجھے امید ہے کہ یہ کینسل نہ ہو۔ یہ صورتحال بہت ڈراؤنی ہے۔ میں دعا کرتی ہوں کہ سب محفوظ رہیں۔”
نورا نے ایک اور انسٹا اسٹوری میں لکھا:”لاس اینجلس کی آگ بہت خطرناک ہے۔ دعا ہے کہ سب محفوظ رہیں۔”
