ایک ہفتے میں مہنگائی کی شرح میں 0.65 فیصد کی کمی – پاک لائیو ٹی وی

ایک ہفتے میں مہنگائی کی شرح میں 0.65 فیصد کی کمی آگئی ہے۔

ادارہ شماریات نے ہفتہ وار بنیادوں پر مہنگائی کے اعداد و شمار جاری کردیئے۔

جاری کردہ اعداد و شمار کے مطابق مہنگائی بڑھنے کی شرح سالانہ بنیادوں پر 1.90 فیصد پر آگئی جبکہ ایک ہفتے میں 18 اشیاء کی قیمتوں میں اضافہ ریکارڈ کیا گیا۔

ایک ہفتے میں 10 اشیاء کی قیمتوں میں کمی جبکہ 23 اشیاء کی قیمتیں مستحکم رہیں۔

گزشتہ ہفتے ٹماٹر کی فی کلو قیمت 31.40 فیصد کم ہوئی، ایک ہفتے میں آلو 10.36 فیصد سستے ہوئے جبکہ ایک ہفتے میں انڈے 5.96 فیصد اور دال چنا 1.64 فیصد سستی ہوئی۔

ایک ہفتے میں پیاز، چاول دال ماش سستی ہونے والی اشیاء میں شامل ہیں جبکہ ایک ہفتے میں دال مونگ 2.56 فیصد مہنگی ہوئی۔

پانچ لیٹر کوکنگ آئل 1.56 فیصد، چینی 1.23 فیصد مہنگی جبکہ ایک ہفتے میں گھی، بریڈ، لہسن، جلانے کی لکڑی مہنگی ہونے والی اشیاء میں شامل ہیں۔