جان ابراہم کا اپنی پوری زندگی منشیات کو ہاتھ نہ لگانے کا انکشاف
بالی ووڈ کے معروف اداکار جان ابراہم نے اپنی پوری زندگی منشیات کو ہاتھ نہ لگانے کا انکشاف کیا ہے۔
حال ہی میں بالی ووڈ اداکار جان ابراہم نے بھارتی حکومت کی جانب سے ممبئی میں منعقدہ ایک ‘انسداد منشیات مہم‘ کی تقریب میں شرکت کی جہاں انہوں نے منشیات کو ہاتھ نہ لگانے کا انکشاف کیا۔
انہوں نے کہا کہ ’میں آپ کو یہی بتانا چاہتا ہوں کہ میں نے اپنی پوری زندگی میں ذاتی طور پر منشیات کو کبھی ہاتھ نہیں لگایا، نہ کبھی سگریٹ نوشی کی نہ شراب نوشی کی‘۔
جان ابراہم نے کہا کہ‘منشیات سے دور رہتے ہوئے اپنے دوستوں، کولیگز اور اردگرد کے لوگوں کیلئے ایک رول ماڈل بنیں، میرے پاس آپ کو ایک لمبی تقریر دینے کا وقت نہیں ہے لیکن بس اتنا کہنا چاہوں گا اپنی زندگی میں نظم و ضبط کے پابند رہیں‘۔
یاد رہے کہ اس سے قبل جان ابراہم پان مصالحہ کے اشتہار کا حصہ بننے پر بالی وڈ اداکار اکشے اور اجے دیوگن پر بھی تنقید کر چکے ہیں۔
