شہر قائد میں آج موسم سرد اور خشک رہنے کا امکان – پاک لائیو ٹی وی

شہر قائد میں آج بھی موسم سرد اور خشک رہنے کا امکان ہے۔

محکمہ موسمیات کے مطابق کراچی شہر میں دھند چھائی ہوئی ہے، جبکہ حد نگاہ 5 کلو میٹر تک محدود رہ گئی ہے۔

شہر قائد میں آج رات  درجہ حرارت 10.5 ڈگری سینٹی گریڈ تک ریکارڈ کیا گیا ہے، آج زیادہ سے زیادہ درجہ حرارت 25 ڈگری سینٹی گریڈ تک رہنے کا امکان ہے، جبکہ ہوا میں نمی کا تناسب 51 فیصد ہے۔

محکمہ موسمیات نے بتایا کہ کراچی شہر میں اس وقت 5 کلو میٹر فی گھنٹہ کی رفتار سے شمال مشرقی ہوا چل رہی ہے، جبکہ آج مطلع صاف رہے گا تاہم بارش کا کوئی امکان نہیں ہے۔