چیمپیئنز ٹرافی میں بھی قومی ٹیم ایسی ہی کارکردگی دکھائے گی، چیئرمین پی سی بی
لاہور: پاکستان کرکٹ بورڈ کے چیئرمین محسن نقوی نے کہا ہے کہ چیمپیئنز ٹرافی میں بھی قومی ٹیم ایسی ہی کارکردگی دکھائے گی۔
چیئرمین پی سی بی محسن نقوی نے جنوبی افریقہ کو وائٹ واش پر قومی ٹیم کو شاباشی دیتے ہوئے کہا کہ قومی ٹیم کو تیسرا ون ڈے میچ جیتنے پر مبارکباد دیتا ہوں، صائم ایوب نے ایک بار پھر اپنی کلاس ثابت کی، صائم نے سنچری کر کے فتح میں اہم کردار ادا کیا۔
انہوں نے کہا کہ محمد رضوان اور بابراعظم نے اچھی بیٹنگ کی، سفیان مقیم نے عمدہ باؤلنگ کر کے قوم کے دل جیت لیے، ٹیم ورک کا نتیجہ شاندار کامیابی کی صورت میں سامنے آیا۔
محسن نقوی نے مزید کہا کہ قومی کھلاڑی پر اعتماد نظر آئے، جذبے اور محنت سے کھیلے، چیمپیئنز ٹرافی میں بھی ٹیم ایسی ہی کارکردگی دکھائے گی۔
