شہر قائد میں آج موسم سرد اور خشک رہنے کا امکان – پاک لائیو ٹی وی

شہر قائد میں آج موسم سرد اور خشک رہنے کا امکان ہے۔

محکمہ موسمیات کے مطابق کراچی میں اس وقت دھند چھائی ہوئی ہے، اور حد نگاہ 5 کلو میٹر تک محدود ہوگئی ہے۔

شہر قائد میں آج رات  درجہ حرارت 9.5 ڈگری سینٹی گریڈ تک ریکارڈ کیا گیا، آج زیادہ سے زیادہ درجہ حرارت 26ڈگری سینٹی گریڈ تک رہنے کا امکان ہے، جبکہ ہوا میں نمی کا تناسب 41 فیصد ہے۔

محکمہ موسمیات کا کہنا ہے کہ شہر میں اس وقت  18کلو میٹر فی گھنٹہ کی رفتار سے شمال مشرقی ہوا چل رہی ہے، جبکہ آج مطلع صاف رہے گا تاہم بارش کا کوئی امکان نہیں ہے۔

دوسری جانب لاہور آلودہ ترین شہروں میں دوسرے نمبرپر آگیا ہے ،ائرکوالٹی انڈیکس کے مطابق لاہور کی فضا میں آلودہ ذرات کی مقدار 292  پرٹیکیولیٹ میٹر جبکہ شہر قائد کی ہوا میں آلودہ ذرات کی مقدار  178 پر ٹیکیولیٹ میٹرریکارڈ کی گئی ہے۔