معروف موسیقار رشید عطرے کو دنیا سے گئے 57 سال گزر گئے
معروف موسیقار رشید عطرے کو دنیا سے گئے 57 سال گزر گئے ہیں۔
رشید عطرے 15 فروری 1919 کو امرتسر میں پیدا ہوئے، اُنہوں نے موسیقی کی دنیا میں وہ کچھ کر دکھایا جو اُنہی کا خاصا ہے۔
1950 میں رشید عطرے کی موسیقی میں ترتیب دیا ہوا گیت ’بھاگاں والیو نام جپو مولا نام‘ تھا جس نے فلمی صنعت کو رشید عطرے کی صورت میں ایک شاندار موسیقار دیا، اِس کے بعد تو اُن کی ترتیب دی ہوئی موسیقی میں ایسے ایسے خوب صورت گیت سننے کو ملے کہ جو آج بھی اپنی سحر آفرینی برقرار رکھے ہوئے ہیں۔
اُن کی فنی چابک دستی نے فلم ’’زرقا‘‘ کے گیتوں کو وہ دوام بخشا کہ جن کے رنگ آج بھی مدھم نہیں پڑے۔
اپنے فنی کیریئر کے دوران 48 اُردو اور 7 پنجابی فلموں کی موسیقی ترتیب دینے والے رشید عطرے 18 دسمبر 1967 کو لاہور میں انتقال کر گئے۔
