غیر رجسٹرڈ وی پی اینز کی بندش کی ڈیڈلائن کا آج آخری روز
غیر رجسٹرڈ ورچوئل پرائیویٹ نیٹ ورک (وی پی اینز) کی بندش کی ڈیڈ لائن کا آج آخری روز ہے۔
پی ٹی اے ذرائع نے بتایا ہے کہ اب تک 27 ہزار سے زائد وی پی اینز رجسٹرڈ کیے جاچکے ہیں۔وی پی اینز رجسٹریشن کی تاریخ میں توسیع کا فیصلہ وزارت داخلہ سے مشاورت سے ہوگا۔
ذرائع کے مطابق آئی ٹی انڈسٹری، فری لانسرز اور دیگر اسٹیک ہولڈرز نے تاریخ میں توسیع کا مطالبہ کررکھا ہے۔
پی ٹی اے حکام کا کہنا ہے کہ رجسٹرڈ وی پی اینز کے ذریعے ملک میں سائبر سیکیورٹی کو بہتر بنایا جاسکتا ہے جبکہ قومی سلامتی اور ڈیٹا پروٹیکشن کے لیے وی پی این رجسٹریشن ضروری ہے۔
واضح رہے کہ پی ٹی اے نے وی پی این رجسٹریشن کی ڈیڈلائن 30 نومبر مقرر کر رکھی ہے۔ تاریخ میں توسیع نہ ہونے کی صورت میں غیر رجسٹرڈ وی پی اینز کو بند کردیا جائے گا۔
