![عمرہ](https://paklivetv.com/wp-content/uploads/2024/04/%D9%86%D9%88-%D8%B3%D8%A7%D9%84-%D8%A8%D8%B9%D8%AF-%D9%BE%DB%81%D9%84%D8%A7-%D8%A7%DB%8C%D8%B1%D8%A7%D9%86%DB%8C-%DA%AF%D8%B1%D9%88%D9%BE-%D8%B9%D9%85%D8%B1%DB%81-%D8%A7%D8%AF%D8%A7%D8%A6%DB%8C%DA%AF%DB%8C-%DA%A9%DB%8C%D9%84%D8%A6%DB%92-%D8%B3%D8%B9%D9%88%D8%AF%DB%8C.jpg)
نو سال بعد پہلا ایرانی گروپ عمرہ ادائیگی کیلئے سعودی عرب روانہ
نو سال بعد پہلا ایرانی گروپ عمرہ ادائیگی کے لیے سعودی عرب روانہ ہوگیا۔
ایران کی سرکاری خبر رساں ایجنسی نے بتایا کہ مشرق وسطیٰ کی دو طاقتوں کے درمیان تعلقات میں بہتری کے نتیجے میں نو سالوں میں ایرانی زائرین کا پہلا گروپ پیر کو عمرہ ادائیگی کے لیے سعودی عرب روانہ ہوا۔
ایرانی میڈیا نے دسمبر میں کہا تھا کہ سعودی عرب نے عمرہ کرنے کے خواہشمند ایرانیوں پر عائد پابندیاں ختم کر دی ہیں لیکن تہران کی جانب سے تکنیکی مسائل کی وجہ سے پروازیں تاخیر کا شکار ہیں۔
ایرانی زائرین کو سعودی عرب لے جانے کے لیے 11 پروازیں مقرر کی گئی ہیں۔
شیڈول کے مطابق زاہدان، اہواز، تبریز، کرمان، اصفہان اور شیراز سمیت دیگر بڑے شہروں کے ہوائی اڈوں سے بھی کچھ روز بعد پروازیں چلائی جائیں گی۔
یاد رہے کہ دونوں ممالک نے مارچ 2023 میں چین کی ثالثی میں ہونے والے معاہدے کے تحت سفارتی تعلقات بحال کرنے پر اتفاق کیا تھا جس کے بعد ایران نے 7 سال بعد 6 جون کو سعودی عرب کے دارالحکومت ریاض میں اپنا سفارتخانہ دوبارہ کھول دیا تھا۔
بعد ازاں سعودی وزیر خارجہ شہزادہ فیصل بن فرحان نے ماضی کے اپنے سخت حریف کے ساتھ دو طرفہ تعلقات کی بحالی کے بعد ایران کا اہم دورہ بھی کیا تھا۔