شہر قائد میں تیز ہواوں کا سلسلہ تھم گیا، موسم سرد اور خشک رہنے کا امکان
شہر قائد میں تیز ہواوں کا سلسلہ تھم گیا، آج موسم سرد اور خشک رہنے کا امکان ہے۔
محکمہ موسمیات کے مطابق شہر میں دھند چھائی ہوئی ہے، جبکہ حد نگاہ 5 کلو میٹر تک محدود ہوگئی ہے۔
کراچی میں آج رات درجہ حرارت 12.2 ڈگری سینٹی گریڈ تک ریکارڈ کیا گیا، آج زیادہ سے زیادہ درجہ حرارت 26 ڈگری سینٹی گریڈ تک رہنے کا امکان ہے، جبکہ ہوا میں نمی کا تناسب 29 فیصد ہے۔
محکمہ موسمیات نے بتایا کہ شہر قائد میں اس وقت 8 کلو میٹر فی گھنٹہ کی رفتار سے شمال مغربی ہوا چل رہی ہے، آج مطلع صاف رہے گا تاہم بارش کا کوئی امکان نہیں ہے۔
