طاقت کے بل بوتے پرکشمیری عوام کی آواز دبائی نہیں جا سکتی، آصف زرداری
صدر مملکت آصف علی زرداری نے پختونخوا اور بلوچستان میں مختلف آپریشنز کے دوران 43 دہشت گردوں کو جہنم واصل کرنے پر سیکیورٹی فورسز کو خراج تحسین پیش کیا ہے۔
صدر زرداری نے فورسز کی بہادری اور عزم کو سراہتے ہوئے کہا کہ پاکستان کی مسلح افواج دہشت گردی کے مکمل خاتمے کے لیے ہمیشہ سرگرم عمل ہیں۔
صدر مملکت نے فتنہ الخوارج اور بلوچستان میں سرگرم دیگر دہشت گردوں کے ناپاک عزائم کو ناکام بنانے پر سیکیورٹی فورسز کی قربانیوں اور کامیابیوں کی تعریف کی۔
ان کا کہنا تھا کہ یہ آپریشنز سیکیورٹی فورسز کی بڑی کامیابی ہیں اور پورا ملک دہشت گردی کے خاتمے میں ان کے کردار کا معترف ہے۔
انہوں نے مزید کہا کہ پوری قوم کو اس بات کا اعتماد ہے کہ پاکستان کی بہادر افواج دہشت گردی کے خلاف مزید کامیابیاں حاصل کریں گی۔ صدر نے ملک سے دہشت گردی کے مکمل خاتمے کے لیے قومی عزم کا بھی اظہار کیا۔
پاکستان کی سیکیورٹی فورسز کے اس عزم اور قربانیوں کے ساتھ، صدر مملکت نے اس بات کی امید ظاہر کی کہ پاکستان دہشت گردی کی لعنت سے جلد مکمل طور پر نجات حاصل کرے گا۔
