ویمنز انڈر 19 ٹی ٹوئنٹی ایشیا کپ؛ قومی ٹیم ملائیشیا پہنچ گئی
پاکستانی ویمنز انڈر 19 ٹیم ٹی ٹوئنٹی کپ میں شرکت کے لیے کپتان ضوفشاں ایاز کی قیادت میں ملائیشیا پہنچ گئی ہے۔
پاکستانی ٹیم ایمریٹس کی پرواز سے کراچی سے براستہ دبئی ملائیشیا پہنچی ہے جبکہ پاکستانی ٹیم کی پلیئرز آج آرام، کل پریکٹس کریں گی۔
ہیڈ کوچ محسن کمال کی نگرانی میں پریکٹس سیشن کا انعقاد ہو گا، جبکہ ویمنز انڈر 19 ٹی ٹوئنٹی ایشیا کپ 15 دسمبر سے 22 دسمبر تک ملائیشیا کے شہر کوالالمپور میں کھیلا جائے گا۔
ویمنز انڈر 19 ٹی ٹوئنٹی ایشیا کپ کے گروپ اے میں پاکستان، بھارت اور نیپال شامل ہیں جبکہ گروپ بی سری لنکا، بنگلہ دیش اور ملائشیا پر مشتمل ہے۔
پاکستانی ٹیم اپنا پہلا میچ 15 دسمبر کو روایتی حریف بھارت سے کھیلے گی، جبکہ پاکستانی ٹیم دوسرا میچ 16 دسمبر کو نیپال کے خلاف کھیلے گی۔
