![پاکستان ٹی ٹوئنٹی ٹیم کے نائب کپتان کا فیصلہ اب تک نہ ہوسکا](https://www.bolnews.com/urdu/wp-content/uploads/2024/04/%D9%BE%D8%A7%DA%A9%D8%B3%D8%AA%D8%A7%D9%86-%DA%A9%D8%B1%DA%A9%D9%B9-%D9%B9%DB%8C%D9%85-635x380.jpg)
پاکستان ٹی ٹوئنٹی ٹیم کے نائب کپتان کا فیصلہ اب تک نہ ہوسکا
پاکستان کی ٹی ٹوئنٹی کرکٹ ٹیم کے نائب کپتان کا فیصلہ التواء کا شکار ہوگیا۔
ذرائع کے مطابق پاکستان ٹی ٹوئنٹی ٹیم کے نائب کپتان کا فیصلہ اب تک نہیں ہوسکا ہے جب کہ قومی سلیکٹرز ایک نام کا تاحال فیصلہ کرنے میں ناکام نظر آتے ہیں۔
ذرائع کا کہنا ہے کہ ٹیم کے اعلان کے وقت ہی سلیکٹرز نے دو چار روز میں نائب کپتان کے نام کا اعلان کرنے کا کہا تھا۔
ذرائع نے بتایا کہ سلیکٹرز نے محمد رضوان اور شاداب خان کے ناموں پر غور کیا تاہم کچھ سلیکٹرز نے محمد رضوان اور بعض نے شاداب خان کو نائب کپتان بنانے کی تجویز دی۔
ذرائع نے یہ بھی بتایا کہ سلیکشن کی طرح نائب کپتان کے حوالے سے بھی غیر ملکی کوچز سے مشاورت کرنے کا فیصلہ کیا گیا ہے۔
ذرائع کا مزید کہنا تھا کہ نیوزی لینڈ سیریز میں نائب کپتان کے بغیر جانے کا امکان ہے، سلیکشن کمیٹی چیئرمین پی سی بی محسن نقوی سے اسلام آباد میں نائب کپتانی کے حوالے سے مشاورت کرے گی۔