![پاکستان اور نیوزی لینڈ کا پہلا ٹی ٹوئنٹی بارش کے باعث منسوخ](https://www.bolnews.com/urdu/wp-content/uploads/2024/04/%D9%BE%D8%A7%DA%A9%D8%B3%D8%AA%D8%A7%D9%86-%D8%A8%D9%85%D9%82%D8%A7%D8%A8%D9%84%DB%81-%D9%86%DB%8C%D9%88%D8%B2%DB%8C-%D9%84%DB%8C%D9%86%DA%88-635x380.jpg)
پاکستان اور نیوزی لینڈ کا پہلا ٹی ٹوئنٹی بارش کے باعث منسوخ
پاکستان اور نیوزی لینڈ کا پہلا ٹی ٹوئنٹی میچ بارش کی وجہ سے منسوخ کردیا گیا۔
پاکستان اور نیوزی لینڈ کی ٹیموں کے درمیان پانچ ٹی ٹوئنٹی میچز پر مشتمل سیریز کھیلی جارہی ہے جس کا پہلا میچ آج راولپنڈی کے پنڈی اسٹیڈیم میں کھیلا جانا تھا۔
تاہم میچ میں ٹاس ہونے کے باوجود نامہربان موسم کی بے وقت مداخلت کی وجہ سے ایک بال کا کھیل بھی نہیں ہوسکا۔
امپائرز نے کئی بار گراؤنڈ کی انسپکشن کے بعد میچ ختم کرنے کا فیصلہ کیا ہے۔ گرین شرٹس اور کیویز کے درمیان دوسرا ٹی ٹوئنٹی 20 اپریل کو پنڈی میں ہی کھیلا جائے گا۔
واضح رہے کہ پنڈی اسٹیڈیم میں پاکستان اور نیوزی لینڈ کے درمیان ٹی ٹوئنٹی سیریز کے ابتدائی 3 میچز ہوں گے جب کہ باقی 2 میچز لاہور کے قذافی اسٹیڈیم میں شیڈول ہیں۔