تعلیمی ادارے بند رکھنے کا اعلان؛ طلباء کے لئے اہم خبر آگئی
سردی کی شدت میں اضافے کے باعث تعلیمی اداروں میں اچانک بڑی چھٹیوں کا اعلان کر دیا گیا ہے۔
تفصیلات کے مطابق نگران وزیراعلیٰ پنجاب محسن نقوی کی زیر صدارت اعلیٰ سطح کا اجلاس ہوا ہے جس میں نمونیہ سے بچاؤ اور احتیاطی تدابیر کے بارے طویل مشاورت کے بعد اہم فیصلے کیے گئے۔
نگران وزیراعلیٰ پنجاب کی جانب سے بچوں میں نمونیہ کے کیسز میں اضافے پر اظہار تشویش بھی کیا گیا۔
اجلاس میں نگران صوبائی وزیر تعلیم منصور قادر، سیکرٹری صحت، سپیشل سیکرٹری صحت اور ماہرین صحت و سینر ڈاکٹرز کی جانب سے تجاویز پیش کی گئیں۔
محسن نقوی کو بتایا گیا کہ لاہور کے چلڈرن اسپتال میں دس میں سے آٹھ بچے نمونیہ کے مریض ہیں، جس کے بعد نگران پنجاب حکومت کی جانب سے پنجاب بھر کے اسکولوں میں 31 جنوری تک صبح کی اسمبلی پر پابندی عائد کر دی گئی اور کلاس ون سے نیچے نرسری و پلے گروپ کی کلاسز کیلئے سات روز کی تعطیلات کا اعلان کر دیا گیا۔
