دوسرا ٹی ٹوئنٹی: زمبابوے کا پاکستان کو جیت کے لیے 58 رنز کا ہدف
بلاوائیو: دوسرے ٹی ٹوئنٹی میچ میں زمبابوے نے پاکستان کو جیت کے لیے 58 رنز کا ہدف دیا ہے۔
پاکستان اور بنگلادیش کی ٹیموں کے درمیان تین ٹی ٹوئنٹی میچز پر مشتمل سیریز کا دوسرا میچ بلاوائیو میں کھیلا جارہا ہے جس میں زمبابوے نے ٹاس جیت کر بیٹنگ کا فیصلہ کیا ہے۔
زمبابوے کی ٹیم دوسرے میچ میں بھی مشکلات کا شکار دکھائی دی اور پوری ٹیم 12.4 اوورز میں 57 رنز پر ڈھیر ہوگئی۔
زمبابوے کی جانب سے برائن بینیٹ 21 رنز کے ساتھ نمایاں رہے جب کہ تادیواناشے مارومانی 16 رنز بناکر آؤٹ ہوئے۔
علاوہ ازیں کوئی بھی کھلاڑی ڈبل فیگرز میں داخل نہ ہوسکا اور یکے بعد دیگرے اپنی وکٹیں گنواتے گئے۔
پاکستان کی جانب سے سفیان مقیم نے عمدہ بولنگ کا مظاہرہ کرتے ہوئے 5 کھلاڑیوں کو آؤٹ کیا جب کہ 2 وکٹیں عباس آفریدی کے حصے میں آئیں۔ ابرار احمد، حارث رؤف اور سلمان آغا نے ایک ایک کھلاڑی کا شکار کیا۔
پاکستان پلیئنگ الیون
کپتان سلمان آغا، عثمان خان (وکٹ کیپر)، میر یوسف، صائم ایوب، طیب طاہر، عرفان خان، جہانداد خان، عباس آفریدی، حارث رؤف، ابرار احمد اور سفیان مقیم۔
زمبابوے پلیئنگ الیون
کپتان سکندر رضا، تادیواناشے مارومانی (وکٹ کیپر)، برائن بینیٹ، ڈیون مائرز، ریان برل، کلائیو مداندے، تشنگا میوزیکیوا، ویلنگٹن مساکڈزا، رچرڈ نگروا، بلیسنگ مزاربانی اور ٹریور گوانڈو۔
